वैजापूर- तालुका विधानसभेसाठी जागा राष्ट्रवादीला सोडा वैजापूर तालुक्यातील शिष्टमंडळाने घेतली संसद महारत्न सुप्रियाताई सुळे यांची भेट

वैजापूर तालुका विधानसभेसाठी जागा राष्ट्रवादीला सोडा वैजापूर तालुक्यातील शिष्टमंडळाने घेतली संसद महारत्न सुप्रियाताई सुळे यांची भेट

प्रतिनिधी गणेश निंबाळकर वैजापूर

पैठणच्या नाथ नगरीत आज राष्ट्रवादी काँग्रेस शरद चंद्र पवार पक्षाच्या राष्ट्रीय कार्याध्यक्षा सौ सुप्रियाताई सुळे यांच्या शुभहस्ते गुणवंत विद्यार्थ्यांचा सत्कार शेतकरी व शेतमजूर जनसंपर्क अभियान उद्घाटन या निमित्ताने पैठण येथे या कार्यक्रमासाठी सुळे ताई आल्या असता खासदार सौ.सुप्रिया सुळे यांची भेट वैजापूर तालुका राष्ट्रवादी काँग्रेस पक्षाच्या शिष्टमंडळाने घेऊन वैजापूर तालुक्यात राष्ट्रवादी काँग्रेस पार्टीची तालुक्यातील परिस्थिती बाबत सविस्तर चर्चा केली. राष्ट्रवादी काँग्रेस पक्षाला मानणार मोठा वर्ग आहे.या आधी वैजापूर तालुक्यात राष्ट्रवादी काँग्रेसचे आमदार निवडून आले होते. आदरणीय पवार साहेबांना मानणारा मोठा वर्ग वैजापूर तालुक्यात आहे. गेल्या काही दिवसात पक्षाने चांगले संघटन बांधणी केली. वैजापूर तालुक्यात आदरणीय शरदचंद्रजी पवार साहेब यांच्या माध्यमातून बरीच लोक उपयोगी कामे झाली आहे.जर राष्ट्रवादी काँग्रेस पक्षाला जागा वाटपात जागा मिळाली आणि विधानसभेचे टिकीट देण्यात आले तर आपल्या पक्षाचा आमदार निवडून येणार यात शंका नाही अशा सर्व बाबी खासदार सुप्रिया सुळे यांच्या निदर्शनास आणून तिकीटाची मागणी केली यावेळी सुप्रियाताई यांनी सकारात्मक प्रतिसाद दिला या प्रसंगी राष्ट्रवादी काँग्रेस वैजापूर तालुका अध्यक्ष श्री मंजाहरी पाटील गाढे, सोशल मीडिया जिल्हा अध्यक्ष श्री प्रकाश बापु ठुबे, विधानसभा अध्यक्ष श्री राजु भाऊ कराळे, सामाजिक न्याय विभागाचे तालुका अध्यक्ष श्री रतन पगारे, सोशल मीडिया कार्याध्यक्ष श्री रावसाहेब सावंत,सरपंच श्री शरद बोरणारे, युवक कार्याध्यक्ष श्री विशाल मतसागर, अल्पसंख्यांक तालुकाध्यक्ष अकबर भाई. युवक जिल्हा उपाध्यक्ष संतोष सरोवर. अल्पसंख्याक शहर अध्यक्ष जुबेर चाऊस, श्री रामेश्वर बोडके, श्री संदीप गाजरे यांच्या सह कार्यकर्ते उपस्थित होते.