पाचोरा शहरातून तरुणी बेपत्ता…..

पाचोरा शहरातून तरुणी बेपत्ता…..

पाचोरा : येथील एम. एम. कॉलेज परिसरातून तरुणी बेपत्ता झाल्याची घटना समोर आली असून त्याबाबत पाचोरा पोलीस स्टेशन येथे मिसिंग दाखल करण्यात आली असल्याची माहिती आज दिनांक 29 मे बुधवार रोजी सकाळी 9 वाजता हाती आली आहे. शहरातील एम.एम. कॉलेजमध्ये सध्या एफवायबीए पेपर सुरू आहेत. दररोज विद्यार्थी पेपर देण्यासाठी येतात. २७ मे रोजी नियमि तप्रमाणे २१ वर्षीय तरुणीस तिच्या मामाने सकाळी ९:३० वाजता एम.एम. कॉलेजमध्ये परीक्षेला सोडले. दुपारी दीडला मामा परत घेण्यासाठी एम.एम. कॉलेजमध्ये गेले असता. पेपर सुटल्यानंतर तरुणी आढळली नाही. कॉलेज परिसर व नातेवाईकांकडे ही शोध घेण्यात आला. मात्र तरुणी आढळून आली नाही. अखेर पाचोरा पोलीस स्टेशनला धाव घेऊन मिसिंग दाखल करण्यात आली आहे. बेपत्ता तरुणीची उंची ५ फूट, रंग गोरा, डोळे व केस काळे, चेहरा गोल, अंगात अबोली रंगाचा टॉप व पांढरी लेगीज, चप्पल असे वर्णन आहे. या वर्णनाची तरुणी आढळून आल्यास पाचोरा पोलीस स्टेशनशी संपर्क साधावा, असे आवाहन करण्यात आले आहे. सदर घटनेचा पुढील तपास पोलिस निरीक्षक अशोक पवार यांच्या मार्गदर्शनाखाली पोलीस हेड कॉन्स्टेबल रवींद्र बत्तीसे हे करीत आहे.