पाचोरा : दहावीतील मुलाने मामाच्या घरी….
रिपोटर चेतन सरोदे / प्रभाकर सरोदे
पाचोरा : तालुक्यातील बाळद येथील दहावीत शिकणाऱ्या मुलाने जळगाव येथील मामाच्या घरी गळफास घेतल्याची घटना आज दिनांक 10 मे शुक्रवार रोजी दुपारी 1 वाजेच्या सुमारास उघडकीस आली आहे. पाचोरा तालुक्यातील बाळद येथील दहावीत शिकणारा स्वप्नील पाटील असे या मयत मुलाचे नाव आहे. त्याच्या पश्चात आई, वडील, भाऊ असा परिवार आहे. वडील शेतीकाम करून उदरनिर्वाह करतात. स्वप्नील पाटील हा उन्हाळ्याच्या सुट्या असल्याने जळगाव तालुक्यातील कुसुंबा येथे मामाकडे गेला होता. शुक्रवार दि. १० मे रोजी सकाळी सर्व मुले बाहेर खेळत असताना तो घरात आला व वरच्या मजल्यावरील खोलीत गेला. दुपारी त्याची आजी त्याला बोलवायला गेली असता खोलीचा दरवाजा आतून बंद होता. त्या वेळी आजीने इतरांना बोलवले व दरवाजा तोडला. तेव्हा स्वप्नील हा गळफास घेतलेल्या अवस्थेत दिसून आला. त्यावेळी घरातील सर्वांनाच धक्का बसला. त्याला शासकीय वैद्यकीय महाविद्यालय व रुग्णालयात दाखल केले असता वैद्यकीय अधिकाऱ्यांनी मयत घोषित केले. आत्महत्येचे कारण समजू शकले नाही. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे. तर पाचोरा तालुक्यातील बाळद येथे सायंकाळी 7 वाजेच्या सुमारास अतिशय शोकाकुल वातावरणात त्याच्यावर अंत्यसंस्कार करण्यात आले.
Leave a Reply