यावल : येथील शिवाजी नगरातून वृद्ध आई, विधवा मुलगी व तिचे दोन मुले असे एकाच कुटुंबातील चौघे बेपत्ता पोलिसात हरवल्याची तक्रार
यावल :- शहरातील शिवाजीनगर भागात किल्ला परिसरातून एकाच कुटुंबातील 48 वर्षीय वृद्ध महिला, 26 वर्षीय महिला तसेच सात वर्षीय बालक आणि चार वर्षीय बालिका अशी चौघे बेपत्ता झाले आहे. हे चौघे घरात कोणाला काही न सांगता बाहेर गेले आणि बेपत्ता झाले. त्यांचा सर्वत्र शोध घेऊनही ते मिळून न आल्याने यावल पोलीस ठाण्यात हरवल्याची तक्रार नोंदवण्यात आली आहे. एकाच कुटुंबातील चौघेजण बेपत्ता झाल्याने शहरात खळबळ वळली आहेयावल शहरात शिवाजी नगरात किल्ला परिसरात वस्ती आहे. या वस्तीतील रहिवाशी संगीता दिलीप सोनार वय 48 ही वृद्ध महिला, तिची विधवा मुलगी मीनाक्षी उर्फ पूजा मुकेश सोनार वय 26 वर्ष, गणेश मुकेश सोनार वय 7 वर्षे व पियू मुकेश सोनार वय 4 वर्ष हे चौघे दिनांक 9 मे रोजी आपल्या घरात कोणाला काही न सांगता बाहेर गेले आणि बेपत्ता झाले या चौघांचा सर्वत्र शोध घेण्यात आला नातेवाईकांकडे तपास केला. मात्र, चौघे कुठेच मिळून न आल्याने यावल पोलीस ठाण्यात गणेश दिलीप सोनार यांनी दिलेल्या खबरी वरून हरवल्याची तक्रार नोंदवण्यात आली आहे एकाच कुटुंबातील चौघेजण बेपत्ता झाल्याने शहरात एकच खळबळ उडाली आहे. या चौघांचा शोध आता यावल पोलीस घेत आहे. पुढील तपास पोलीस निरीक्षक प्रदीप ठाकूर यांच्या मार्गदर्शनाखाली हवालदार राजेंद्र पवार करीत आहे.
Leave a Reply