Advertisement
महाराष्ट्र सांगली

मिरज बस डेपोत नवीन ‘राजमाता’ बसेस दाखल; आ. डॉ. सुरेश (भाऊ) खाडे यांच्या हस्ते लोकार्पण सोहळा संपन्न

Sudhir 0

प्रतिनिधी सुधीर गोखले
मिरज शहर व परिसरातील प्रवाशांना अधिक दर्जेदार, सुरक्षित आणि आरामदायी प्रवासी सेवा उपलब्ध करून देण्याच्या उद्देशाने मिरज बस डेपोत दाखल झालेल्या नवीन ‘राजमाता’ बसेसचा लोकार्पण सोहळा आमदार आ. डॉ. सुरेश (भाऊ) खाडे यांच्या हस्ते संपन्न झाला.
महाराष्ट्र राज्य मार्ग परिवहन महामंडळाच्या माध्यमातून प्रवाशांना आधुनिक आणि गुणवत्तापूर्ण प्रवासी सेवा उपलब्ध करून देण्यासाठी सातत्याने प्रयत्न करण्यात येत असून, त्याचाच एक भाग म्हणून मिरज बस डेपोत नव्याने ‘राजमाता’ बसेस दाखल करण्यात आल्या आहेत. या बसमुळे मिरज शहरासह ग्रामीण भागातील प्रवाशांना अधिक सुरक्षित, आरामदायी आणि सुखकर प्रवासाचा अनुभव मिळणार आहे.
यावेळी बोलताना आमदार आ. डॉ. सुरेश (भाऊ) खाडे म्हणाले, मिरज हे शिक्षण, आरोग्य, व्यापार आणि उद्योग क्षेत्रातील महत्त्वाचे केंद्र असून दररोज हजारो प्रवासी मिरज बस डेपोच्या माध्यमातून प्रवास करीत असतात. त्यामुळे प्रवाशांच्या वाढत्या गरजा लक्षात घेऊन सार्वजनिक वाहतूक व्यवस्था अधिक सक्षम आणि आधुनिक करणे आवश्यक आहे. नव्याने दाखल झालेल्या ‘राजमाता’ बसेसमुळे प्रवाशांना अधिक चांगली सेवा मिळणार असून एस.टी. महामंडळाच्या सेवांबाबतचा प्रवाशांचा विश्वास आणखी दृढ होईल, असा विश्वास त्यांनी व्यक्त केला.
नवीन ‘राजमाता’ बसेस या प्रशस्त आसन व्यवस्था, आरामदायी प्रवास आणि प्रवाशांच्या सोयीसाठी आवश्यक असलेल्या विविध सुविधांनी सुसज्ज आहेत. शहरासह ग्रामीण भागातील विद्यार्थी, नोकरदार वर्ग, व्यापारी, शेतकरी तसेच ज्येष्ठ नागरिकांना या बस सेवांचा मोठा लाभ होणार आहे. तसेच प्रवाशांना वेळेवर आणि विश्वासार्ह सेवा उपलब्ध करून देण्यासाठी या बसेस महत्त्वपूर्ण ठरणार आहेत.
महाराष्ट्र राज्य मार्ग परिवहन महामंडळ ही सर्वसामान्य जनतेची जीवनवाहिनी असून ग्रामीण भागाला शहरांशी जोडण्याचे महत्त्वपूर्ण कार्य एस.टी. महामंडळाच्या माध्यमातून केले जात आहे. अशा परिस्थितीत नवीन बसेसची भर पडल्याने प्रवाशांच्या सेवेत अधिक सुधारणा होणार असून वाहतूक व्यवस्थेला नवे बळ मिळणार आहे. मिरज बस डेपोच्या माध्यमातून प्रवाशांना अधिक चांगल्या सुविधा उपलब्ध करून देण्यासाठी आणि सार्वजनिक वाहतूक व्यवस्था अधिक सक्षम करण्यासाठी भविष्यातही आवश्यक त्या सर्व बाबींसाठी प्रयत्न सुरू राहतील, असे यावेळी सांगण्यात आले.
या लोकार्पण सोहळ्यास राष्टवादी अजित पवार गटाचे विधानपरिषद आमदार इद्रिस नायकवडी, महाराष्ट्र राज्य मार्ग परिवहन महामंडळाचे अधिकारी, मिरज आगाराचे अधिकारी व कर्मचारी, नगरसेवक मोहन वाटवे महिला आणि बालकल्याण सभापती बानू मुसा जमादार, उद्योजक फारूक जमादार, उद्योजक विवेक शेटे, शिवसेना शिंदे गटाचे महानगर प्रमुख प्रा मोहन वनखंडे, शिवसेना नेते विलास देसाई, दादासो पाटील, माजी नगरसेवक योगेंद्र थोरात, डॉ महेश कांबळे तसेच भाजप आणि शिवसेना स्थानिक पदाधिकारी, कार्यकर्ते तसेच नागरिक मोठ्या संख्येने उपस्थित होते.

Spread the love
Related Story

Leave a Reply

Your email address will not be published. Required fields are marked *

error: Content is protected !!